Eble ne tro rimarkeble de ekstere, la pasinta jaro estis markita per kelkaj gravaj ŝanĝoj ene de ESF, skribas Mark Fettes, ESF-prezidanto, en la ĵus aperinta jarraporto de ESF. La plena raporto legeblas (anglalingve) ĉe http://esperantic.org/dosieroj/file/president_2012.pdf.

Laŭ Fettes, la jaro 2012 markis gravan transiron de ESF el situacio, en kiu ĝi dependis de siaj investoj por subvencii unuopajn projektojn, al organizaĵo kiu pli aktive varbas donacojn kaj planas longdaŭran evoluigon de siaj projektoj kaj kunlaborantaro. Li konkludas, ke tio postulas pli aktive varbi kaj trejni aktivulojn kaj estraranojn: “Se la malnova ESF povis esti efike gvidata de malgranda grupo de homoj, ĉefe universitatanoj, la nova ESF bezonas vastan gamon de scioj, spertoj kaj edukaj fonoj.”

Tiuj kaj aliaj atingoj konvinkis pli ol ducenton da homoj donaci al ESF en 2012. Tia helpo estas tre bonvena, substrekas Fettes, sed valoras ankaŭ multaj aliaj kontribuoj, kiel helpinstruado aŭ tradukado ĉe Lernu, aŭ la organizado kaj gvidado de esploroj. Ĝuste por pli bone kaj kree respondi al tiaj defioj, ESF aldonis aron de novaj konsilantoj en la lasta jaro (legu pli ĉe http://esperantic.org/en/communications/news?n=107).

Vizitu la retejon de ESF, http://esperantic.org, por lerni pli pri projektoj kaj ebloj kunlabori. Por subteni ESF-on finance, vizitu http://esperantic.org/donacoj.